十六座車仔麵

营业中

休息中

想食呢间车仔面好耐但成日都好忙无得试，今日终于都过左黎食，首先讲舖头地址，假如唔想揾咁耐正确地址应该系太子花墟后一条街（泰莱药房直行），入到去老板好有礼貌，不过间舖就唔系太多位，坐底点左五个𩠌，波菜面，卤水汁，小辣，哗，速度都几快先讲萝卜，都ok既不会太差，猪红无得顶，蝶蝶腩正，韮菜燕饺好食，不过有少少碎骨（唔系只只都有），金沙骨如果钟意食猪肉既人会觉得正，但我就唔系咁钟意猪肉味。菠菜面超弹牙，汤底够浓，辣汁会辣，小心选择。车仔面黎讲算系高质，好食，最欣赏地方落单唔系用纸，系过左胶，用水笔，落完抹左再用，够环保五十几蚊算抵食。p.s.好大碗，五𩠌一面如果细食够两个人食。