榮記粉麵

营业中

休息中

今日同老公行下sogo,行到咁上下肚仔饿，就谂起呢间好耐冇食过嘅荣车仔面！本身未行到已经谂要排几耐队先有得食，但估唔到今日星期日都唔洗排队就已经可以直入。因为只系想食个下午茶，所以同老公叫左一人一碗两𩠌面加一人一支可乐就算。萝卜牛腩米：萝卜一如以往嘅甜，仲要冇渣，大约有4旧。牛腩都算入味，但就唔林，较为硬身。大肠牛筋油面：大肠都几大旧，唔会林到冇口感，但就唔觉入味。牛筋就几大件，不过就都系偏硬身，好似未煮得够咁。汤底系真系好味嘅，加埋每碗都有少少西洋菜系入面，西洋菜连埋个汤底黎食系十分正。佢地嘅辣椒油唔知系咪都系自家出品，好够辣，一匙已经好够。但唯一真系较贵，无论单𩠌定2𩠌都一样33蚊，可乐就8蚊一支。