德記潮州菜館

营业中

休息中

一家人星期日晩去食潮州菜，临时6点打电话去订抬，佢叫我7:30到。一去到，门口已经有好多人等位，好彩人流算快，等咗10分钟左右已经有枱。见到d姐姐拾枱嘅速度又快又有team work....劲！我都快速地点咗几个𩠌，有乌头鱼、鹅肝并鹅片加墨鱼、芥菜煲、川椒鸡、白饭鱼煎蛋、𧐢饼、糖醋面、胡椒猪肚汤、麻辣小黄瓜。简单介绍一下，冻乌头鱼，肉质滑，配埋黄豆汁，正！卤水鹅肝并鹅片加墨鱼，无得顶！鹅肝好滑唔怕干，鹅片就小咗d，并咗其他部位，墨鱼都唔错，不过又系得几片，唔够喉。芥菜煲正呀，d芥菜唔怕苦又唔怕太冧。川椒鸡算系普通d，下次可以唔叫。白饭鱼煎蛋唔错，蛋香，白饭鱼又脆脆地咁。𧐢饼个样就吓亲人，好厚身，其他餐厅嘅煎𧐢饼咪好似pizza 咁薄，呢间好似松糕咁厚，不过食落好有𧐢味嘅。糖醋面可能我最迟先食，已经唔脆，一般啫。胡椒猪肚汤正常啦，足料嘅，胡椒味唔算好重，以前饮过一d饮完成身兴晒。小黄瓜当小吃，ok 的。整体满意，价钱又合理，唔怪得咁多人帮衬。