Yamm

营业中

休息中

因为庆祝生日，所以去咗食lunch buffet，有信用卡优惠，所以买一送一，好抵！lunch由12点钟开始至到两点半。今次系BBQ食物为主题，食物种类都算多，前菜有不同的面包、芝士、沙律菜，款式好多。另外寿司刺身以自助形式领取，我觉得都几好几方便，食几多可以夹几多，减少排队嘅时间。热食都算多，BBQ主题食物例如烧蚝、烧羊架等，比较推介嘅系烧羊架，肉质鲜美。其他热食都唔错。甜品有Haagen-Dazs雪糕，有职员帮手，仲有窝夫可以配雪糕食，又有好多唔同嘅toppings. 另外其他甜品都好多款式，好多选择。值得一赞嘅系原来生日去，酒店会送上一个小蛋糕。但我哋𠮶日book位嘅时候冇预留，但系即场同职员讲，佢哋都有照俾我哋，所以好开心。蛋糕系佢哋cake Shop嘅，好好味呀！Yamm系值得推介嘅buffet选择。