春宵

营业中

休息中

上次同屋企人去咗湾仔一间火锅店食到饱晒，令我念念不忘，春宵。以下系我哋上次食完之后嘅个人评价。❣️招牌滋阴补身鸽子汤好滋润嘅一煲汤底，浓郁嘅药材味配搭杞子同鸽子熬成，唔落味精嘅养生汤，补身补气血，功效十足。❣️A级安格斯牛小排（小）食火锅梗系要点牛肉片，呢度嘅牛肉片更加系令人印象深刻。咬落去𠮶吓感受到肉片滑溜嘅口感，牛肉味配埋鸽子汤底，简直系绝配。❣️济州猪梅肉食完牛肉食猪肉。正呀，肉质肥美，肉味十足又多汁，入口即化。屋企人都好钟意食。❣️二人什菜什菌盛合食完肉类，就食啲清啲嘅蔬菜啦。咩菜都有嘅组合嚟解吓腻。每款蔬菜都新鲜到不得了，尤其系粟米仲要好甜，放落汤度一齐滚，个汤嘅味道仲正。❣️白鳝片梗系唔少得海鲜，白鳝片含有天然鲜味，肉质嫩滑。钟意食海鲜嘅一定要叫嚟试吓。间火锅店俾我嘅整体感觉系啲嘢食好好味，好啱一大班朋友嚟呢度聚餐，仲有露台位俾大家喺度饮两杯。