樂麵

营业中

休息中

星期日6点左右去到唔洗等位，但系好多款都已经售罄，例如三款煎饺子，豚肉丼，茜口茜面同茜炒饭等。店员安排我地坐左张二人枱，用QR CODE落单，两个人叫左特盛版铿鱼鸡白汤加港系口味特制藜麦面，特盛版真熬鸡白汤港系口味拉面，再加一个椒盐炸鱼蛋串。拉面拣左硬身，入口爽弹几好食，个人意见拉面好食过藜麦面。鸡白汤我拣左港系味冇咁咸，我觉得唔系几够味，下次试下日系浓版先，鸡肉食落冇味，鸭肉同豚肉会比较好食。店员亦都有礼貌，不过两碗拉面黎到个阵个匙羹都好油，要自己用纸巾抹完先用到，呢一点可以改善下。另外，建议男仕黎食既时候要加面底。