太元樓

营业中

休息中

好少去开香港果面开工，其实真系唔知去边度揾嘢食好。朋友介绍话呢间食中菜唔错，于是乎就一早订定位试吓啦。叫咗一个醉鸡小食，一个韭黄炒鳝糊，一份小笼包，一个排骨担担面。先来嘅系我嘅最爱，就系醉鸡啦！食醉鸡最怕系比花雕酒浸得太耐，而引致到鸡件有好大阵苦味，但系呢个又唔会㖞！恰到好处！酒味系阵阵嘅花雕酒清香，肉质鲜嫩，鸡肉又唔会太鞋。跟住要赞好嘅系小笼包，汤汁留喺个包入面，呢个真系要趁热食！然之后都好食嘅系排骨担担面，排骨好大块，好厚身，又唔会炸到好似柴皮咁，担担面亦都有浓郁嘅汤底，成餐都好满足！