十二味 (LADDER Dundas) (已結業)

今日同朋友喺油麻地附近见到一家叫川菜既十二味功夫。一行四人叫咗人见人爱酸菜鱼，霸王辣子鸡，土豆丝，红糖糍粑同两杯野饮。酸菜鱼写住食神推荐梗系要试吓啦，我哋仲加咗个宽份添！食酸菜鱼试佢个汤就知好唔好味，够麻香够辣度够酸，开胃惹味，完全系我style呀！再配埋宽粉，就好似食紧酸辣粉咁。鱼质软淋，唔会有腥味。酸菜鱼唔单止份量大，而且仲有好多配料，例如莴笋同菇等等，几个人share都冇问题。另一样食物都好推介既就系霸王辣子鸡，唔好睇佢好似好多辣椒好辣咁，其实会越食越嘢未，因为啲鸡炸到好脆，而且好入味，加上腰果，配合嘢饮，简直系送酒菜🥰🥰至于土豆丝同红糖糍粑属于普通，可以点亦可以不点。