天丼てんや

营业中

休息中

之前我老公已经去过呢间天丼，佢话觉得好好味 😋所以今日夜晚就带咗我去啦。我哋两公婆叫咗劲多嘢食！见到个套餐嚟到嘅时候觉得好似得好少饭🍚但系点知原来系够晒饱㗎！其实佢所有嘅炸嘢呢都系非常之好味嘅，因为𠮶个粉浆系非常之偷薄啦加上呢相信佢哋餐厅都系用了新鲜呢所以呢食出嚟系非常之好味嘅👍🏻👍🏻👍🏻我系尤其喜爱𠮶个炸芝士嘅，店内嘅侍应推介呢必须系要加埋𠮶个日本嘅酱油去食呢味道先会更加出色🧀 果然呢系非常之好食嘅！而且呢店舖入边嘅每一个员工都非常之有礼貌啦同埋友善☺️其中一个举动系令到我觉得十分之surprise，通常你去到一啲五星级嘅酒店嘅高级餐厅入面，先会有经理啊或者系侍应去问吓你「请问啲嘢啱唔啱食啊？」二竟然我系一间普通嘅商场，普通嘅日本餐厅，仲要系有连锁店嘅感觉嘅餐厅入面听到有侍应咁样问我😳 就系呢一下我已经觉得佢哋嘅员工非常之贴心👍🏻 而且佢哋都会好主动咁样推介食物啦同埋主动呢系加茶比客人嘅🍵所以总结无论系佢嘅服务质素啦食物嘅水平啦都系令到我非常之满意嘅😋😋😋