大滾友火鍋 (美新大廈)

营业中

休息中

🌸滋润养神•椰子鸡番薯蚬浓汤锅卖相好吸睛，喷住烟上枱，一上枱已经闻到好大阵椰子鸡味！饮落口汤底好鲜甜，鸡肉都几嫩滑，而且番薯蚬都好鲜甜，呢个汤底打边炉真系唔错！🌸大滚友牛肉拼盘(细)摆盘好靓！啱晒我呢个牛魔王，因为有好多唔同牛嘅部位可以食到！包括有牛舌、金钱展、雪花牛肉、骰子牛肉粒、牛颈脊等等……各类牛肉嘅质素都好高，我最钟意食雪花牛肉，油花分布好平均，食落口牛肉味好浓郁🌸伊比利亚橡果猪油脂分布好平均，脂肪丰富，食落口仲带有橡果嘅香味，橡果猪嘅肉质真系几高质，好有惊喜🌸大滚友杂菜拼盘，好丰富，有齐唔同嘅蔬菜：油麦菜、金菇、紫淮山、粟米、蕃茄、莲藕等等……颜色鲜艳翠绿，全部都好新鲜，好清甜，打边炉食左咁多肉类，可以解一解腻🌸手打蟹子鲜虾丸真系好弹牙，真材实料嘅手打丸，食到浓浓嘅鲜虾味，鲜甜又好味🌸黑松露蟹肉饺，食落口已经有好浓郁嘅黑松露香味，仲食到蟹肉嘅鲜甜味，味道超夹🌸 自家制足料竹蔗茅根甜到啱啱好，清甜又解渴！🌸火焰焦糖豆腐花店员会喺豆腐花上面将酒倒入，再点火，焦糖慢慢形成一层薄膜喺豆腐花上面，食落口豆腐花好软滑香甜，仲有豆香味餐厅舒适宽敞，装修以宫廷风为主，连餐具同埋摆盘都好精致！