靠得住粥麵小館 (形點 II)

营业中

休息中

近期留意到喺yoho新开咗间餐厅,原来主打系食粥品港式中菜,今晚同朋友去试下。靠得住粥面小馆,原来餐厅有好多分店,仲要系米芝莲推介,味道同食物有返一定嘅保证。麻辣小黄瓜 22元,小黄瓜非常爽脆,味道好清新,麻辣嘅味道慢慢渗出,最先食到清新嘅瓜香,再嚟就系麻香。客家风味酸萝卜 22元, 酸萝卜做到好爽脆,而且好入味,酸酸甜甜,越食越开胃。手作煎酿豆腐 88元,煎酿豆腐分量都好多,每件豆腐都好入味,上面酿咗啲肉,加咗啲葱花,入口豆腐味道清香,几种味道都好有层次,而且最好有口感添。真正东江盐焗鸡半只 148元,盐焗鸡鸡皮金黄色望落去已经好吸引,入口味道好,香鸡肉仲要好嫩滑多汁,第一次食到咁好味嘅东江鸡,调味同埋鸡肉嘅香味都做得好出色。奶油金沙海中虾 108 元,呢个简直系必食嘅推介,新鲜嘅虾用咸蛋黄包住,入口阵阵咸蛋黄蛋香再黎就到虾嘅鲜味,味道真系好夹。白灼猪肚粉肠 68元,猪肚粉肠好爽,味道好新鲜,入口爽口弹牙,加少少酱汁令到鲜味更加突出。心肝宝贝粥 78元,果然系招牌菜,猪润好新鲜唔会煮过龙,入口仲好爽口,粥底够晒绵,又香又滑真系好惹味。