素年 (三陂坊)

营业中

休息中

之前听过荃湾有间素食餐厅好出名叫素年，香港好味嘅素食餐厅实在唔多，今次去荃湾专程去试下，入到去发觉餐厅系打文青风格，入面嘅装修有唔少植物而且个氛围都比较舒服简约。今次order咗不可能汉堡包，材料有火箭菜、纯素芝士、紫洋葱、意大利黑醋、蕃薯条。第一啖咬落去完全唔知道自己系食紧素，仿真度好高，好似完全咬紧一个和牛汉堡咁样，味道好juicy而且亦都有好多唔同层次。另外点咗香蕉朱古力冧酒挞，浓沃嘅朱古力味加上淡淡嘅冧酒，而且配搭埋香蕉𠮶种软滑同埋水果味，会令人回味无穷。若之后约朋友茶聚或食饭，我一定会再嚟素年。