風車

营业中

休息中

今日终于行到去大围食呢一间好好食嘅西餐，其实一直都好想食㗎，因为好多朋友都话呢一间西餐好好食，今日终于的起心肝去食啦。因为今日好早就去到，大概系六点左右嘅时间，所以人客就比较少，不需要等位，而且个气氛都好宁静同埋好舒服。装修系好西式嘅餐厅风格，有好多酒架同埋display，可以约埋一班朋友仔嚟饮酒倾偈。今次就叫咗呢一个重量级肉眼扒，佢真系有14安士㗎，而家做紧特价都系买$328 ，两个人食呢都好大份，而且呢啲肉质都好好，薯菜同埋沙律都好好食。个牛扒嘅肉质好Juice，要五成熟都真系上来嘅时候就五成熟，油脂分布比例好高，唔会太肥亦都唔会太瘦，都几推荐大家叫呢一个食。前菜就叫咗一个意式田园沙律配烟熏鸭胸，个沙律份量好大，啲烟鸭胸好好食好新鲜，作为一个前菜来讲，配埋𠮶啲醋都真系几开胃。然后就叫咗个白酒煮蚬配蒜蓉包，啲蚬肉好新鲜，都洗得好干净，完全没有沙，白酒配蚬真系好夹，最期待嘅竟然系个蒜蓉包，因为真系好香脆，蒜蓉包嘅味道都好好味，呢个都系好推介大家去食。整体来讲呢间西餐真系唔错，性价比都几高，大家有时间都嚟食。