豐信餃子店

营业中

休息中

晚餐簡簡單單想食下餃子，上openrice 搵下就見到太子呢間好似唔錯～ 地鐵站出口行兩分鐘就到，好方便。去到嚇一嚇，晚上六點幾已經帶排長龍！ 店面細細，好彩啲客人都食得幾快～ 餃子有唔同嘅餡料選擇，有湯餃、煎餃，另外仲有小食。 我哋都幾肚餓，試咗三款豬肉餃子：西洋菜、麻辣、香茜🤭湯底嘅話有椰子雞豬骨濃湯，加十蚊就有酸辣湯。我原本以為係上海酸辣湯，點知嚟到發現原來係四川版酸辣湯，份外開心🤤 芫茜餃真係啱曬芫茜控，芫茜味道濃，配埋個酸辣湯好夾！ 小食叫咗香煎豆腐 (三件) 同埋麻香海蜇，豆腐熱辣辣 配上少少椒鹽，再落埋佢哋嘅自家菜脯，好好食～ 飲品有幾款，我哋叫咗菊花蜜同埋羅漢果茶，不錯👍🏻