豐信餃子店

营业中

休息中

晚餐简简单单想食下饺子，上openrice 揾下就见到太子呢间好似唔错～ 地铁站出口行两分钟就到，好方便。去到吓一吓，晚上六点几已经带排长龙！ 店面细细，好彩啲客人都食得几快～ 饺子有唔同嘅馅料选择，有汤饺、煎饺，另外仲有小食。 我哋都几肚饿，试咗三款猪肉饺子：西洋菜、麻辣、香茜🤭汤底嘅话有椰子鸡猪骨浓汤，加十蚊就有酸辣汤。我原本以为系上海酸辣汤，点知嚟到发现原来系四川版酸辣汤，份外开心🤤 芫茜饺真系啱晒芫茜控，芫茜味道浓，配埋个酸辣汤好夹！ 小食叫咗香煎豆腐 (三件) 同埋麻香海蜇，豆腐热辣辣 配上少少椒盐，再落埋佢哋嘅自家菜脯，好好食～ 饮品有几款，我哋叫咗菊花蜜同埋罗汉果茶，不错👍🏻