JK Kitchen (已結業)

中秋节日，去铜锣湾搜购月饼，经过登龙街，正好肚仔饿，又系午饭时间，醒起朋友提起有间越南餐厅唔错，于是就决定今日去试下，上到去，感觉间餐厅好舒服干净，我地安排坐左喺卡位，好阔落，窗边嘅位置，全部都有咕𠱸，好有家嘅感觉，中午有lunch set 提供，免加一👍🏻👍🏻👍🏻越式猪颈肉捞檬天气热，食捞檬就最啱啦，配料有青瓜丝，萝卜丝，花生碎等，捞埋个汁，非常开胃，个猪颈肉真系一赞，味道非常好，有个冲动想加碟烧猪颈肉😋😋越式榄菜肉碎炒饭见到呢款炒饭，未试过，于是试一下，入口又比想像更好食㖞，榄菜分量好重要，过多会太咸，过少又带唔出个味道，呢次就真系啱啱好，而且炒饭最怕好多油，呢个亦都唔会，我地食得开心又放心，厨师功夫一流👨‍🍳👨‍🍳👍🏻👍🏻春卷，牛油鸡翼午餐可以加$25加一款小食，梗系试多两样食物啦，牛油鸡翼系水准之作外，个春卷真系好好味，脆口又唔会成口油👍🏻👍🏻珍珠奶茶呢个饮品系我诚意推荐㗎，非常非常滑，一定要试试