龍亭

间中豪食一餐，对自己好啲系自己的责任，所以今晚就同男朋友Happy Friday 去食餐好。今餐拣了食铁板烧，店舖在街巷的转角位，神秘的门面显得特别起眼。入到里面，哗! 设计好酷呀! 除了有张铁板枱外，还有几张二至四人枱，座位唔多，所以订定位最稳阵，男朋友聪明!有几款铁板set外，还有一些单点菜式。今晚我哋拣了入门厨师发板套餐 PRIMER OMAKASE ($588/五道菜)，对我哋来讲已经系豪食。五道菜有沙律、两款海鲜、一款肉、炒饭和甜品。有美食自然要有美酒，选了一支美人梅酒($128/300ml)，配了一对高贵的小酒杯，高级晒! 冰凉透心，酒味较浓，淡淡梅味，唔会太甜，岩晒我男朋友的口味，其实我仲饮得多过佢，哈!第一道是沙律 ，沙律菜好新鲜清爽，底层配了黑醋而面层就淋了柚子醋，好有心思，双重酸咪咪，食落更清新。还有甜美多汁的鲜菠萝配咸香的烟三文鱼，原来都好夹，好食!铁板烧开始，可惜今晚订唔到铁板枱，只有远距离望，但间中都忍唔位走近一啲…….铁板海鲜两品，两个人即是有四款，我地要咗两份东星斑、一份北海道元贝和一份白鳝。哗!好有心思的摆碟，而每份主菜都有不同的配搭。东星斑配柚子黑醋，