影片
更多
2025-01-23
271 浏览
超好食！好食到临离开餐厅同咗厨师讲啲嘢非常好食！M5和牛寿喜烧意大利饭：和牛煮得啱啱好，入口即溶，寿喜烧嘅味道渗入意大利饭，每一啖都有甜甜嘅寿喜烧汁味。饭粒煮得刚好，唔会太硬或者太软，好正呀！烟三文鱼凯撒沙律：味道好清新。烟三文鱼嘅烟熏味唔太重，啱我口味！三文鱼+烟肉碎+蟹柳+鱼籽+新鲜嘅生菜，食落去好有层次感。酱汁唔会太浓，啱啱好带出三文鱼嘅鲜味，好开胃。宇治金时班戟：哇一上呢个甜品就劲开心！又靓又丰富！第一层系雪米糍，第二层系士多啤梨味雪糕，跟住系抹茶味Brownie，最底层系好松软嘅班戟，身为女仔，见到呢个甜品真系好兴奋，仲要好好食！！柠檬茶特饮：+$28就可以享用，要用「享用」因为真系好好饮！唔系一般嘅柠檬茶，佢嘅茶味唔浓，但带有淡淡好似玄米茶咁嘅香味，茶味同柠檬干嘅香味融合咗，好清新，好特别！
超好食！好食到临离开餐厅同咗厨师讲啲嘢非常好食！
M5和牛寿喜烧意大利饭：
和牛煮得啱啱好，入口即溶，寿喜烧嘅味道渗入意大利饭，每一啖都有甜甜嘅寿喜烧汁味。饭粒煮得刚好，唔会太硬或者太软，好正呀！
烟三文鱼凯撒沙律：
味道好清新。烟三文鱼嘅烟熏味唔太重，啱我口味！三文鱼+烟肉碎+蟹柳+鱼籽+新鲜嘅生菜，食落去好有层次感。酱汁唔会太浓，啱啱好带出三文鱼嘅鲜味，好开胃。
宇治金时班戟：
哇一上呢个甜品就劲开心！又靓又丰富！第一层系雪米糍，第二层系士多啤梨味雪糕，跟住系抹茶味Brownie，最底层系好松软嘅班戟，身为女仔，见到呢个甜品真系好兴奋，仲要好好食！！
柠檬茶特饮：
+$28就可以享用，要用「享用」因为真系好好饮！唔系一般嘅柠檬茶，佢嘅茶味唔浓，但带有淡淡好似玄米茶咁嘅香味，茶味同柠檬干嘅香味融合咗，好清新，好特别！
张贴
