Top Blade Steak Lab (梭椏道)

营业中

休息中

呢间餐厅其实想食好耐，但一直都揾唔到机会。今日约咗朋友食饭，终于一尝呢间嘅牛扒。呢到嘅staff好好，一开始会讲解menu上食菜式。我地就叫咗两个扒一个burger。呢到有任食薯条。虽然系任食，但一啲都唔马虎。薯条新鲜炸好，暖暖地脆卜卜，而且有阵淡淡嘅松露味，好好食！罗宋汤都好足料，有少少辣味。主菜上场！呢个系herbly，上菜嘅时候已经切好一片片，见到中间仲系粉红色，系好靓嘅medium，肉味浓郁。呢个就系guest chef嘅flat iron，佢嘅grill mark好靓，入面亦都仍然系粉红色。旧扒入面唔会有筋或者多余嘅脂肪，唯一可以挑剔嘅就系佢嘅干葱汁味道浓咗少少，抢咗牛味。呢餐整体上都好满意，特别系服务同食物方面。Staff嘅服务好好，每次都会逐枱问要唔要添薯条，夹完落碟跌咗落枱嘅会执翻😂用餐完嘅时候亦都会有staff问食物质如何，睇得出系一间有heart嘅餐厅。