炑八韓烤 (瓊華中心) (已結業)

男朋友好钟意食韩式烧肉嘅炉边蛋，知道炑八原来有任食放题，炉边蛋可以任加，即刻去试下😎我地叫左个中价套餐，价钱系💰288食90分钟，套餐主打可以任食韩牛外群肉、薄切牛舌、炑八厚切五花腩、芝士八爪鱼🐙同埋韩式红虾，不过我地见菜品咁多，紧系咩都叫黎试下🥳一入座已经摆低韩式小菜同埋沙律，仲有加左炉边蛋同埋芝士粟米，除左沙律之外，其他都可以任意添加👍烧肉我每样叫左一份黎试下，份量好多，牛、猪、鸡都有，样样都好好食🤤调味过嘅梨汁牛扒、韩牛外群肉同薄切牛舌好重牛味，烧完肉质都软焾。厚切五花腩无调味，但系油脂丰富，烧到脆脆地加埋泡菜一齐食最解腻。韩式猪皮超好食，必叫👍👍本身质地好厚实，烧完外脆内软，口感烟靭，我食左三大块🥹🥹食韩烧，梨汁鸡肉都系必叫，鸡肉口感嫩滑，梨汁令鸡肉更加好食，口感更好🥰海鲜都好多选择，红虾烧完好弹牙，蒜蓉牛油生蚝🦪一定要叫，好新鲜，质素相当唔错，八爪鱼🐙烧完口感柔软，都几好食👍蔬菜方面我地叫左牛油杂菌同埋牛油金针菇，同单点一样咁好食🤤除左烧物任食，好多韩式料理都可以任叫，全部都系迷你版，可以咩都试下。我地叫左水冷面、海带汤、酱油炸鸡、蜂蜜牛油炸鸡等。炸鸡新鲜炸出黎，食落外皮酥脆