Via Tokyo (已結業)

原本想去The One影下小云小吉，但商场有活动，所以转移目标食甜品。呢间想试一段时间，铜锣湾店经过亲都好多人，今日去到尖沙咀店唔洗排队，直入。虽然知道呢度系抹茶出名，但因为啱啱食完韩烧，叫个冰冷静下自己在所难免。士多啤梨牛奶沙冰 $75卖相好靓，点影都靓。份量就比想像中少。超多士多啤梨酱，好浓同一时间好甜。食到中间会有牛奶酱同饼干，增加口感。冰嘅质地就唔算幼滑，个人认为甜左啲。侧边嘅牛奶可以方便自己需要再加，但质地都几杰身，有啲难倒出黎。白玉红豆抹茶雪糕 $49抹茶雪糕挺身，唔易溶，而且都好细滑。味道香浓，但未至于话回甘咁夸张。白玉软熟烟韧，唔会硬到死，红豆就不过不失啦。不过呢个价钱呢做份量呢个质素，都算食得过。