我的意大利廚房 (已結業)

今晚约咗朋友仔聚旧，返嚟湾仔嘅QRE食意大利菜，之前食过佢嘅lunch ok，隔咗咁耐睇下夜晚质素又如何先！时间尚早，餐厅得一枱食客，好静好阔落好舒服，晏少少多返几枱客，但都系静，岩哂怕嘈嘅我。夜晚无set，叫a la carte，餐牌都几多选择，呢度只系一部分，所以一定有你心水。坐低无耐好快就送上面包同Bruschetta。面包唔算柔软，但加埋附上的蒜酱食都ok。Bruschetta上嘅蕃茄几新鲜爽脆，夏天食几开胃。我地叫咗下面个pizza，23cm，两个女仔分都几饱。佢系薄身个种，啲馅几够几丰富，有mozzarella、蘑菇、青椒、洋葱、辣肉肠，味道唔错唔会太辣。最得意系呢个fazzoletto ，酿咗菠菜同芝士，一份有三只，有半只碟咁大！个皮好软熟，隐约有少少蛋香，菠菜整到好碎但好实正，配埋香草牛油汁食好好味㖞！总括而言呢个系同朋友食饭嘅好地方，好干净又静，食物质素都ok，价钱适中。