傳麵世家

营业中

休息中

同老婆睇完戏都差唔多成十点，冇乜酒楼仲开门，所以谂住求其食碗面就算，见传面世家都几多人喺入面食紧，一于入去试吓。门口贴咗好多报纸介绍有乜嘢美食，又话老板点样专注做好啲面，二话不说就叫咗碗牛什捞粗，老婆就叫咗碗细蓉。碗面嚟到，先闻到好香嘅腩汁味道，先试啖面，真系好弹牙，报纸报道老板做面方法真系冇呃人。牛什份量都几足，有牛肚、牛肠、牛膀同牛肺，炆得好冧同好入味，加埋辣椒油同小小醋一齐食真系一流。老婆𠮶碗云吞面，云吞都几大粒，又有鲜虾同猪肉，面底就唔使讲，都系咁爽弹。其实呢度仲有好多唔同嘅开配搭，实有一款啱你食。