好彩海鮮酒家

营业中

休息中

今日好开心，老细话请食饭，我哋一行有六个人，去咗油麻地饮茶。同事话好彩酒家不嬲都出靓点心，我一直都唔相信酒楼质素，多数多味精、多油又唔会好食。但系今次试咗，非常好的感觉。今次叫咗午市点心包括鸡扎、烧卖、叉烧肠粉、炸乳鸽、小黄鱼等，仲叫了煲仔饭和凉菜。估唔到质素咁高，尤其今次叫的煲仔饭，是凤爪排骨饭，啲饭软绵绵很香好想成个食晒。临买单前，见到隔离枱两个伯伯分享咸鱼肉片饭，话好耐冇食过咸鱼呀，见到他们吃得津津有味，我下次都要试吓先！总括来说酒楼的确系三五知己，可以坐低饮下茶食个包嘅好地方。唔会有人在你侧边等枱，不会有压迫咁。你可以坐低吃两个钟头，吹水吹饱才走。仲要赞一句就是侍应姐姐，个个都非常有礼，冲茶冲水水亦都非常之频密，一于下次再黎过。