王家沙 (已結業)

七月一日,回归十周年,同屋企人念住订呢道食饭,点知要分两段时间,大家都唔行就范,但又唔信邪,一行九人七点半去到门口巳知大Q镬,成门口都系人,连带位条女都见唔到,最终到张等位飞仔,佢话叫我行先,有位就打比我,好!!!!!!!!!!!我又等,系要你咩咁巴闭。三十五分钟后,终于打话有位,点知上到去重要等多五分钟,真系佢老板!!好-----讲佢食先:小笼饱(唔记得佢叫乜式小笼饱),真系超正-------够晒Juicy,皮又够薄,肉又够滑,九条友,要叫三笼先够,因一笼六粒,每人一真系唔够喉。生煎饱,重正,个饱好软熟,个底又够脆,真系好好味,但系肉好似同小笼饱一样。醉酒鸡,开头叫一碟,因为好似好贵,要成七十蚊,但都系忍唔住,要整多碟,鸡肉好滑,鸡皮好脆,又够酒味,同其它店真系冇得比。小菜大至上O.K,但真系冇乜特别,如有几会再,一定转攻点心。醒个Tips比你,唔好咁笨,记得订定位,晤系就预起码等你半粒钟。