影片
更多
2016-12-10
2121 浏览
近排收到啲邮政宣传，喺新店开张嘅单张连优惠券，食满$200减$50，食满$400减$100，变相75折，新店位置就晌中环万宜大厦以前玩具反斗城个铺位，对于我依等返中环工嘅人就极之方便。今晚同几位朋友到此，见识一下佢哋嘅真功夫，睇睇喺咪咁打得。走进店内，装修型格得嚟，带有好多香港传统特色元素，净喺门口上方嘅牌匾就一派黄飞鸿时代嘅武馆格，点解咁讲，因为入到去真喺好多嘢都同旧式嘅武馆扯上关系，如木人桩、长枪、关刀、狮头……等等，店员仲话啲关刀等武器全部都喺真嘢，只喺未开封，欢迎拎嚟拍照，小弟拎上手果然好重身，一对双节棍门柄，已够晒心思啦。此外，一入门口嘅金龙，好有怀旧味道，纹理细致，活灵活现，抢眼非常，相信依家揾整依类金龙嘅手艺师傅都所余无几。餐厅地方其实颇大，趁未上菜晌里面游走一转，发现仲有好多玩味嘅摆设。内里格局主打喺4人枱，亦有啲大张方形嘅8人枱，都喺坊间少见，另外，餐厅尾更有两间开放式嘅贵宾房，每房可容纳10人，两房亦可打通。而一家餐厅嘅心脏「厨房」，更用上开放式，喺唔怕客人「监察」师傅做菜嘅自信心。所以，八卦吓望一望，睇到巨型烤炉、烘干机、师傅即场拉面条、做点心……等等。除咗武馆元
走进店内，装修型格得嚟，带有好多香港传统特色元素，净喺门口上方嘅牌匾就一派黄飞鸿时代嘅武馆格，点解咁讲，因为入到去真喺好多嘢都同旧式嘅武馆扯上关系，如木人桩、长枪、关刀、狮头……等等，店员仲话啲关刀等武器全部都喺真嘢，只喺未开封，欢迎拎嚟拍照，小弟拎上手果然好重身，一对双节棍门柄，已够晒心思啦。
此外，一入门口嘅金龙，好有怀旧味道，纹理细致，活灵活现，抢眼非常，相信依家揾整依类金龙嘅手艺师傅都所余无几。
餐厅地方其实颇大，趁未上菜晌里面游走一转，发现仲有好多玩味嘅摆设。内里格局主打喺4人枱，亦有啲大张方形嘅8人枱，都喺坊间少见，另外，餐厅尾更有两间开放式嘅贵宾房，每房可容纳10人，两房亦可打通。
而一家餐厅嘅心脏「厨房」，更用上开放式，喺唔怕客人「监察」师傅做菜嘅自信心。所以，八卦吓望一望，睇到巨型烤炉、烘干机、师傅即场拉面条、做点心……等等。
除咗武馆元素，原来仲有凉茶馆及医馆元素，因为近门口嘅酒吧位，有一座大嘅凉茶铜葫芦，下面有个牌以拼音写住「鬼佬凉茶」，后尾再睇餐牌时见到有手工啤卖，就知到佢葫芦内卖咩药。此外，其他位置都仲有好几个「大葫芦」，不过，店员话𠮶啲就只喺装热水添茶用。
讲开茗茶，依度始终喺中式营运，收茶钱喺自然嘅事，不过，依度收茶钱比平常楼家贵，热茶$19位，冻茶$29位，除地区关系外，茶品嘅选择确喺有其卖点：希腊洋甘菊、龙井薰衣草、荔枝大红袍、红枣玫瑰花，喺咪好特呢！点冻饮，更喺原樽送上，小水杯仲加咗冰粒同青柠檬及下几瓣玫瑰花，好有格调。
主餐牌图文并茂，中英对照，不过早晚有别，晚上无咁多点心供应，会有较多大菜选择，然而，见佢哋啲点心卖相非常精致。
不过，主餐牌喺无标示价钱，价钱印晒晌点菜纸度，所以，为方便大家有个参考，就索性扫描佢哋啲点菜纸俾大家，列晒价钱，大家嚟食饭就可以有个预算。
蓝莓冬瓜 $69前菜共有14款选择，单睇名称及食材配搭，颇有特色，而依一款做成串葡萄外型嘅蓝莓冬瓜，卖相已经好吸晴，最估唔到冬瓜粒口感做到爽爽哋，而蓝莓酱调校得酸香细致，喺一道超醒胃嘅前菜。原来，前菜有买二送一嘅优惠，走宝添！
龙虾萝卜酥 $69（两件起）晚市嘅点心就剩低5款以龙虾入馔嘅款式供选择，相信依几款都喺店家嘅招牌嘢，睇人哋嘅食评，就以依道萝卜酥卖相最具睇头，原只龙虾样呈现番出嚟。如果细心留意嘅话，萝卜酥嘅酥皮喺两只色间住，做得像真细腻。
好睇唔好食又喺无用，不过，入口外层好松化，而馅料除萝卜丝，加入马蹄粒，又有唔少龙虾肉，清甜嘅萝卜，配上爽弹嘅虾肉，喺超高档嘅萝卜丝酥饼。价钱就肯定比晌酒楼食普通嘅萝卜丝酥饼贵好多，但品尝嘅唔止喺味道，仲有喺欣赏嘅喺师傅嘅心思同手工。
龙肉汤面 $149翻餐牌时，已见晚市点心以龙虾为主打，再睇有一系列「龙汤拉面」，又成为菜式中嘅亮点，当然，佢哋又会咁单一，仲有多款拉面、捞面、乌冬、蒸饭……等等。
豪一豪食番碗龙虾汤面，即拉面条喺唔同啲，柔韧而富弹性，虽然影相搞耐咗，但都无话浸腍晒；个龙虾汤底好香浓，浓郁得无得输，而虾肉爽弹，豪一次半次都值。
讲开佢哋嘅龙虾菜式，就顺带一提晌之前「参观」餐厅四周嘅时候，近厨房尾，冰镇住多款海鲜，一排排龙虾更唔少得，师傅神气咁讲，喺本地青龙嚟架，即喺唔喺普通嘢啦，收到。
京城：即烧片皮鸭 $499晌晚餐点菜纸上，有一张特别列出几款菜式，包括：金锅芝麻吊烧鸡、牛高码大骨、荷叶八宝富贵鸡、铁锅半肥瘦叉烧及京城即烧片皮鸭，咁重点额外摆出嚟，相信喺招牌推介。
即烧片皮鸭当然晌你面前起皮、起肉先够派头，但原来，真喺好似张单张咁，分为3碟：净皮、皮连肉及净肉，而师傅手势非常纯熟，三几吓已经将鸭皮、鸭肉起晒，并附上蒜头蓉、红蔗糖、甜鸭酱+芝麻酱及青瓜条、蜜瓜条、京葱条、红菜条。店员有建议食法，稍后再讲，如要两食，即鸭壳起肉煮为其他菜式，喺比出面酒楼款式多，更意外嘅喺唔只两食，因为佢哋每日卖出嘅片皮鸭都唔少，变相鸭肉有唔少存货，三食、四食都得，只不过喺逐道菜式计而已。
净皮真喺得层皮，近乎无皮下脂肪，可见师傅刀功，而建议食法就喺蘸红蔗糖。净食都仲喺有微微油腻感，但沾咗啲蔗糖，效果真喺唔错，再者，趁仲热辣辣，啲皮好甘脆。
净肉睇师傅切嘅时候，真喺留意到佢喺有部署，而且，切得每片鸭肉大细、厚薄均一。建议食法就喺蘸蒜头蓉，由于用生蒜做，带点辛，所以，小弟觉得唔好沾太多，轻轻一小抹就搞掂，入口肉质细嫩，好有鸭肉香，蒜蓉正正辟咗啲鸭燥味。
皮连肉依个就如传统食片皮鸭嘅食法，即喺按喜好，加上青瓜条、蜜瓜条、京葱条或红菜条，再添入甜鸭酱、芝麻酱以薄饼皮包住食。啲薄饼皮块块有牛油纸隔住，所以唔会黐实晒，将所有配菜放埋一齐，集多重口感，非常滋味。
桂花炒假翅 $119无食鱼翅好耐，依道素翅就可以止吓瘾。但无想过，简单一道桂花炒翅都以堂弄形式登场，真材实料（素翅、蟹肉、咸蛋黄、猪肉、蛋黄、银芽、葱花）摆在眼前，大师兄（男店员嘅称呼，而女店员襟前就写住小师妹，小弟就唯有自称牙擦苏）一边炒，一边讲解，落料先后有序，加上手艺纯熟，炒得材料十分均匀，蛋粒细碎如桂花，更加入咸蛋黄，令道菜更惹味。唯一挑剔喺咸蛋黄份量有啲偏多，所以，整体味道有轻微过咸，所以，加个「靓仔」嚟捞饭食就一流。
有啲人天生好打得，小弟就自绝无依方面嘅基因，迤吓迤吓就算，是晚嚟到「龙面馆」（Dragon Noodles Academy – DNA），一道龙虾萝卜酥已睇得出师傅手艺，而两道堂弄菜式，就更加显出其功架。以中环区而言，定价合理，况且菜式颇有心思，将传统揉合新派，卖相好精巧，环境、服务亦都好称心，喺间几特别嘅新派中菜馆。
张贴
