銘興山西刀削麵 (民泰街)

营业中

休息中

放工后好肚饿，行去巴士站前经过呢间餐厅，见格局干净企理入咗去食，又真系唔错。 ✦ 花雕醉鸡刀削面 HKD65 ✦ 上菜好快。花雕醉鸡预先浸好一盒盒，打开就食得，酒味略淡，适合大众口味。刀削面大大碗，有弹性。 ✦ 口水鸡 HKD55 ✦ 鸡件嫩滑，量多，唔算太辣。 ✦ 荔枝波波虾球 HKD45 ✦ 卖相满分，一粒粒荔枝咁好可爱。粒粒有虾味，弹牙爽滑。 ✦ 流心红糖糍粑 HKD45 ✦红糖夹心𠮶种，好香浓。糍粑口感非常好，外略脆内软糯。 虽然唔系咩惊为天人嘅餐厅，但几十蚊个面、二百蚊已经饱到食唔晒，加埋上菜快、态度好，仲有任夹酸萝卜，难怪食到十点都仲系几乎full house。