築地日本料理 (金百利廣場)

营业中

休息中

同朋友行街行到攰又有啲饿就去左呢栋大厦揾食，咁岩朋友想食日本野就拣左呢间筑地。因为时间尚早餐厅只系得一两个人，可以两个人坐卡位。我地两个人大概叫左两个主食同两三个小食，但都好抵同饱。大推呢度既芝士玉子烧。平时我好少食因为惊好甜同细份，但呢度既玉子烧非常大份，食左两件都饱左一半，而且有芝士喺上面，味道岩岩好，唔会太甜太咸或者太漏。我见openrice有朋友推介酿鹅肝烧鸡翼，所以就叫黎试下，因为系即整，要等大概二十分钟，不过都值得等下，因为真系烧得好香好脆，入面仲有鹅肝，唔好口感，不过就少啲只系得两只，当尝鲜一下。我主食拣左海之逸鱼生丼，估唔到一百蚊都有咁多刺身，仲好新鲜，而且切得非常厚，可以大啖咁食如果想再平啲，推介食佢地既套餐，因为计过都好似好抵，果个特上两人餐仲有刺身盘，有机会黎呢头再食下。