添好運點心專門店

营业中

休息中

上次同我细妹来食过，觉得d嘢都好好味，今次啱好有机会就带埋个friend来试下，呢度环境都系一如既往嘅麻麻地，人多店细，好窄系一定嘅喇，不过都可以坐落饮下茶嘅。虾饺系我最钟意嘅点心之一，无论去边度饮茶都会叫，我自己就觉得呢度嘅虾饺比唔倒兰芳园嘅咯，因为我觉得佢嘅皮好厚咯，虾仁好大颗好新鲜，味道好正，就系卑块皮大煞风景。凤爪好好味吖，唔系蒸到好霖𠮶种，骨都系有番咁硬下，啱晒我d钟意吮骨嘅人喇。黄沙猪润肠，我对猪润嘅爱真系无得讲喇，平时自己都成日会买猪润来食，呢度嘅猪润肠真系无得弹吖，好嫩滑，皮又韧韧地，真系好食。桂花糕好睇又好食，冻冻地好啱依家嘅天气食吖。