齒留香

营业中

休息中

日日放工都见到劲多人系到等斩料，难得今日无带饭，就冲黎试下。系门口睇以为佢好少位，但原来内有干坤。午市系无set既，都系照Menu咁叫饭。佢定个价位比一般烧味饭高，但黎完我就明佢点解，因为佢份量真系好多！你睇我叫左个双拼，佢既份量基本上系一般烧味饭既1.5倍，而且重点系佢大件夹抵食！D 熏蹄我食过最好味嘅！好弹牙，肉质又好滑！而且唔会有一啲七彩颜色嘅油喺上面(街市买个d好兴！)点白醋食真心一流！ 牛展都炆得啱啱好！软硬适中！ 卤水味唔算好浓，但系都隐隐约约食到啲花椒八角味，淡淡地我都几钟意。本身谂住叫个五宝，可惜咸蛋买晒所以就转咗个四宝，有乳猪有烧鹅仲有叉烧熏蹄，呢个四宝都几好味！乳猪皮好薄好脆，下面既肉滑捋捋，好好味！烧鹅烧得好香，都系皮脆肉滑！叉烧系正既！系我钟意嘅瘦叉！一个字：香！食咗咁多肉点可以冇菜呀？所以我哋叫咗一碟菜！ 生菜都几清脆，正正常常无咩特别！每个餐都有一个嘢饮同埋一个中汤。老火汤都几好饮！虽然已经食得好饱，但临走之前都系忍唔住叫咗只乳鸽，可惜佢脆皮乳鸽卖晒得返 卤水乳鸽，好彩呢只乳鸽都不负众望！keep住有乳鸽香！皮好嫩肉好香！ 整体嚟讲呢间嘢都系好值得推介嘅！