意粉狂熱 (置富都會)

营业中

休息中

揾到间又平又好味嘅餐厅，$300几蚊两个人食到饱饱。晚市有好多抵食套餐，亦有散叫。我哋拣咗散叫。Pizza有大细两个size，如果两个人食量唔多，拣个细嘅就啱哂。可以再叫其他嘢试多啲款式。细照烧鸡蛋黄酱披萨🍕只系$48，好平啊！仲可以+$38升级套餐加汤就及饮品。拣咗法式芝士洋葱汤同苹果汁。披萨即焗，外层软绵绵。照烧鸡嘅味道好香，配埋鸡蛋黄酱，真系好夹！另外拣咗软壳蟹配海胆忌廉汁鲜制意粉🦀🍝。软壳蟹香脆，意粉又充满海胆忌廉汁，好creamy! 小食拣咗香烤鸡翼(柠檬蜜糖），一份有4只，有烧烤风味！最后当然叫返个甜品，拣咗香浓朱古力窝夫🧇！香浓嘅朱古力雪糕同软绵嘅窝夫，食完甜品就完满了。