元祖和風食堂虎藏

营业中

休息中

呢度$4X 就有一碗唔差嘅拉面真系好平！而且拉面+6件寿司套餐仲有嘢饮先$90真系好平！嗌咗酱油拉面，面质同口感都唔错！有少少似油面，汤底都算香，荀几好食，块叉烧都唔会好柴，但只蛋系全熟嘅，不过呢个价钱都唔紧要啦！然后到寿司，刺身唔算话好厚切，但都几鲜甜㖞！而且个醋饭都算几好，夹起唔会散但唔硬，都系软口弹牙嘅饭带少少醋酸！ 三文鱼系比较普遍嘅质素，比较欣赏系带子几鲜，比较起嚟吞拿鱼就一般啲！ 之前食过呢间嘅云尼拿雪糕都好好食！又香又软滑！下次会再嚟