備長

营业中

休息中

Bookmark咗哩间居酒屋好耐，今日行过铜锣湾，咁试试。餐厅装修得好有日本feel，除咗晚市menu，仲会提供seasonal menu，系厨师推荐，唔错。白桃苏打，饮落唔会好甜，蜜桃味好重。意式鱼生多士，鱼生品种好丰富，真系好似多士一样摆盘。用咗日式酱汁调味，食落酸甜惹味。寿司，散件咗数款寿司，包埋三文鱼，三文鱼腩，赤虾寿司等。刺身全部厚切同埋好新鲜，特别系帆立贝，肉质厚身饱满，食落好鲜甜。三文鱼三切，摆得好似一朵花。三文鱼好肥厚，入口鲜甜。自家制免治鸡肉棒（付日本蛋），用盐烤方式烤制，鸡肉棒可以食得出粒粒脆骨，口感好丰富，再点埋日本蛋，更加好味。明太子鸡翼，鸡翼火候啱啱好，外皮焦脆内里肉质juice，明太子咸香口感同鸡肉好夹。浦烧鳗鱼，大火逼出鳗鱼皮油脂，再刷上日本鳗鱼酱，食落唔会觉得鳗鱼好肥，只会觉得皮脆肉Q弹紧实。牛肋骨，牛肋骨要烧好唔易，哩间餐厅烧烤功力唔错。用少少海盐调味，牛肋骨肉质软嫩牛味好重。炒杂菜，食完串烧，点都要叫碟菜才食得健康。少少盐同黑胡椒调味，已经可以食出蔬菜鲜甜。