Chullschick

营业中

休息中

打食评之前，提提大家一定一定要订位！由6点半开始已经好full，到八点几仲有两枱人排紧队，唔想热住等就一定要book位！初尝秘鲁菜，冇乜概念唔知食咩好，就拣啲多人推荐嘅大路嘢，包括呢个海鲈鱼他他薯蓉，果然无拣错，我同朋友三个人都觉得好好食特别系佢有几款唔同嘅酱汁捞埋一齐，少少辣，味道好rich，作为头盘小食冇得输，必叫！ 份量唔多2个人share啱啱好谂唔到食乜，就叫咗呢个乜都有啲嘅拼盘，两款配菜我哋拣咗烤甜薯同埋杂菜沙律。杂菜沙律嘅黑醋汁偏甜，不算清爽。烤甜薯真系冇得顶，十级好食，配菜必叫之选！半只鸡大大旧，烧得好香，但有排切，西冷牛扒有啲韧，普通。明明menu写得烧鸡同埋牛扒，唔知点解我哋多咗两条香肠 味道普通，但系唔系德国肠所以都几特别～呢道菜配有两款酱，包括松露酱同埋蜂蜜芥末酱，都好香好好食呢间餐厅出菜好快手，冷气又吹住，我地切完只鸡啲热食已经冻哂，食落味道系争咁啲 同埋太多人等位，如果想chill住食同倾偈，建议食完去附近甜品舖或者酒吧 总之就一定一定要订位！