鯛魚湯專門店 (已結業)

之前喺鲗鱼涌已见鲷鱼汤专门店，但𠮶次赶时间无试，今次行开见近近哋，又唔驶等位，就入去试试。嚟到下午茶时间，入座率都有9成，睇完 menu 见下午茶平平哋就叫嚟试吓，因为鲷鱼汤面食都比较贵。自己叫咗个吉列猪扒手打乌东，跟冻柠茶，吉列猪扒炸得松脆，但猪扒腌得唔够入味，油都未沥干，幸好配上沙律菜，减低油腻感，乌冬有少少弹牙，几滑，汤底饮得出系猪骨汤，但略嫌有啲膻味，整体不过不失。朋友叫咗鸡块唐扬手打乌冬，试咗件炸鸡，炸皮够薄，但唔够脆，好在鸡肉尚算滑，但同样都系无咩味。叫咗鳕鱼鱼腐，同期待有所出入，鳕鱼鱼腐无咩鱼味，而且质地好淋，个人唔好。可能我唔系食鲷鱼汤食品，有少少觉得名过于实，试1次就够。