Spark Bar & Restaurant (已搬遷) 新店位置

旺角楼上铺不嬲多选择，今日黎到好景既spark restaurant。可能太早，6点零钟去到得我地，可以自己拣坐边～餐厅outdoor都有位置，虽然有吹风机，都系室内叹冷气好啲。餐牌都几多选择，牛、猪、鸡、羊、海鲜都有，不过竟然未有得饮酒，有啲可惜呢。头盘首先食左烧帆立贝杂菜沙律、水牛鸡翼、忌廉蓝青口，沙律好香油醋味，帆立贝烧得香口，又大粒。水牛鸡翼比较细只冇咁多肉，不过酱汁味道好搭救，整体唔错。忌廉蓝青口用上班露酒入馔，酒味好香，青口都几多架！虽然都有几只唔新鲜开唔到，但食得既起码都有廿只。主菜方面，叫左德国咸猪手同意大利饭。咸猪手份量相当多，两个人都争啲食唔晒！外皮炸到金黄香脆，怕腻仲可以点苹果酱。parma ham南瓜risotto，本以为系南瓜蓉咁既，点知上到嚟见个饭咁白先知系南瓜粒！配上香香嘅parma ham又几唔错，不过份量几多，两个人真系食唔晒一整个饭呢。餐厅暂时未有酒类供应，有点失望......唯有饮住无酒精嘅mocktail先啦。