影片
更多
2022-08-24
3372 浏览
《新汇聚餐厅小厨 - 观塘》近排食西餐食得多，突然间会好想食番中菜平冲一下，所以收左工就约左好姊妹去观塘区食大牌档小菜，观塘区食小菜既餐厅其实都唔少，经网上面揾到几间风评都唔错既小菜馆，我地就简左间比较近地铁站既试下。由于我比较早收工，顺理成章就去拎位先啦，好彩早左去炸。7点左右已经开始人多同埋越嚟越少2人枱，朋友刚好7点3左右到，俾我地坐到卡位自成一角😎当晚经餐厅老细推荐下，我地两个女仔点左三个小菜，两杯特饮同埋两碗糖水，以两个人食的话份量其实都好足够，因为佢哋D小菜都几大碟下，好彩朋友同我当日都饿狼上身，最后无浪费任何野的🤓当日叫左既野食包括有：💁🏻♀️爽脆鲜鱼皮 $65💁🏻♀️蚝饼 $88💁🏻♀️有汽鲜柠蜜 $20 x2💁🏻♀️蜂蜜榄角骨拼炸大肠 $155💁🏻♀️合桃糊 💁🏻♀️芝麻糊拼杏仁糊爽脆鲜鱼皮系老板推荐的，话送啤酒一流，可惜当日我有揸车无得饮So Sad，鱼皮质地脆身，配上葱丝同姜丝再点特制豉油食好惹味，老板无讲错，用黎送酒无得弹，同埋碟鱼皮都几大碟，我地两个人食每人最少都食左十几块，上面既花生咸香味十足，慢慢倾住计食都几过瘾 。唔饮得酒姐，可以饮梳打水嫁嘛，老板又推介
近排食西餐食得多，突然间会好想食番中菜平冲一下，所以收左工就约左好姊妹去观塘区食大牌档小菜，观塘区食小菜既餐厅其实都唔少，经网上面揾到几间风评都唔错既小菜馆，我地就简左间比较近地铁站既试下。由于我比较早收工，顺理成章就去拎位先啦，好彩早左去炸。7点左右已经开始人多同埋越嚟越少2人枱，朋友刚好7点3左右到，俾我地坐到卡位自成一角😎当晚经餐厅老细推荐下，我地两个女仔点左三个小菜，两杯特饮同埋两碗糖水，以两个人食的话份量其实都好足够，因为佢哋D小菜都几大碟下，好彩朋友同我当日都饿狼上身，最后无浪费任何野的🤓
当日叫左既野食包括有：
💁🏻♀️爽脆鲜鱼皮 $65
💁🏻♀️蚝饼 $88
💁🏻♀️有汽鲜柠蜜 $20 x2
💁🏻♀️蜂蜜榄角骨拼炸大肠 $155
💁🏻♀️合桃糊
💁🏻♀️芝麻糊拼杏仁糊
爽脆鲜鱼皮系老板推荐的，话送啤酒一流，可惜当日我有揸车无得饮So Sad，
鱼皮质地脆身，配上葱丝同姜丝再点特制豉油食好惹味，老板无讲错，用黎送酒无得弹，同埋碟鱼皮都几大碟，我地两个人食每人最少都食左十几块，上面既花生咸香味十足，慢慢倾住计食都几过瘾 。唔饮得酒姐，可以饮梳打水嫁嘛，老板又推介绍左有汽鲜柠蜜俾我地两个，佢系少少清甜又带有少少柠檬既酸味，好解渴，老板话美颜排毒㖞，咁我朋友就即时美容博主上身咁样同老板吹起水上黎，仲要系鸡啄唔断咁款🧐老板见同我朋友咁投缘，系咁请我地试佢地自家制作既小食，十分好客，所以喺蚝饼黎之前我地已经食左好多野🤣
蚝饼一到，当然要衬热食先啦，蚝饼果然系要热辣辣先最正，入面既蚝好大粒，食落唔腥仲好有咬口，点埋鱼露就更加浓味更开胃，同样地呢个蚝饼好大份，3个人分都绝对够食，所以证明我地两个女仔真系好食得😝
之后第三个𩠌我地叫左个拼盘，场内见好多人都有叫蜂蜜榄角骨，佢一份有成十件真心太多，而且我地都想试多D唔同款式既小菜，老板就提议我地双拼，所以最后我地简左蜂蜜榄角骨拼炸大肠
就算系双拼，其实整体个portion 都好大份下，蜂蜜榄角骨有4大件，而炸大肠都有成十几片，所以人数唔多得两个人食既话其实叫双拼就刚刚好，又可以试多几款唔同既野，一举两得😗去到呢度我已经好饱好饱，朋友仲话想试埋个糖水，又系痴痴地既情况下每人试左各一款糖水
我要合桃糊而朋友就要芝麻糊拼杏仁糊，合桃糊相对比较甜D，不过合桃味几重，同埋整得几滑，朋友既芝麻糊拼杏仁糊可能两沟既关系，好似无咁甜同埋食到两层既味道，杏仁比芝麻味更出，不过食完即时觉得好滋润，打算埋单之际，老板又黎俾野我地试😂今次系马荳糕，全自家制，每枱客埋单都有的，不过送完即止，马荳糕唔太甜，动L动L咁好Q弹，一人一件食完爆裤咁走🥲
食左咁多野，你以为好贵？埋单都系$348炸😱因为老板见同我朋友咁好倾，请我地食小食都算啦，仲话要请埋我地食糖水，热情到我都唔好意思啦🥹后来听朋友讲之后都Book左枱再去食饭，其实老板唔止系对我地两个热情，当日所见佢有对个个客都照顾有加，好似全部客都系自己人咁款，令人觉得好有人情味同埋好热情，呢D小店真无买少见少嫁啦
张贴
