S2 Kitchen (已搬遷) 新店位置

今晚 Halloween 约左朋友去兰桂坊衬热闹！行到去威灵顿街已经好多人逼哂系度 装扮紧自己🎃，好热闹。系附近揾间野食填下个肚先！😄俾我地见到呢间食日本菜既餐厅！😍d菜式好似几特别咁㖞！舖头不算大间，但好有日本居酒屋feel!呢度有几款餐厅自创既食物！当然要试一试！S2特色火焰卷 🍣上菜既时候店员先点火。卖相好吸引！烧住只碟，大概几十秒就会熄，所以影相呃like就要快 🤣📸火焰卷 包括有：海胆，带子同蟹籽。面头加上烧汁蛋黄酱，再用火鎗烧一烧过。一啖放入口，口感非常丰富！配搭得好好。好惹味！海胆味非常浓烈！🥗海胆牛油果沙律 🥑舖有好多既海胆，带子，牛油果粒，车厘茄配搭非常清新，好fresh既感觉！带子好鲜甜，加上浓郁既海水味。沙律菜好清爽！🍶清酒鲍鱼 鸡翼🐔豪华版鸡翼，先将鸡翼拆骨，再酿入鲍鱼。几特别！再加上清酒 烧熟。鸡翼食落好香既酒味，好嫩滑。加上弹牙既鲍鱼，好有层次感！芝士年糕🧀口感好烟韧，口感似麻糬。外面炸到好脆，入面就满满既芝士！芝士味好浓郁。几好味。