影片
更多
2018-09-22
2653 浏览
平时呢间酒楼饮茶都几多人，今日做嘢做到好晏，睇睇时间都两点几，饮茶应该唔系咁多人啩，于是同另外两位勤奋同事叹三点三下午茶。嚟到大概三点二，知客睇睇表伸身指向入面，我哋拣咗卡位就座。我哋三个点咗九个点心一碟炒饭，除咗下午茶优惠嘅点心外，星期一至五下午茶大中小点全部以小点计，都几抵，食物味道亦唔错，间唔中做吓工作狂晏啲食晏都唔错。翡翠笋虾饺皇普通，皮较厚。蟹籽烧卖皇有少少冬菇粒，肉质几弹牙。香茜牛肉肠都可以，馅少咗啲。金纱米网肠，里面好脆，好新鲜，料亦足。鲜竹牛肉球，唔会太淋，碱水味唔重，几好。咸水角微热，仲系脆嘅。流沙煎堆仔，新鲜热辣辣，流沙效果亦唔错。养生棉花鸡，加埋红枣系颜色系好睇啲，养唔养生我唔知，不过第一次食有骨嘅棉花鸡。黑金流沙包，上面嘅金粉都好足吓，包嘅味道同普通包一样，流沙效果亦一样唔错。日式烧汁三文鱼炒饭，原本系点嘅干炒牛河卖晒，呢个亦唔错，唔太油，饭亦粒粒分明，三文鱼好多，啖啖都有，而且鱼肉唔鞋，分量满意。
翡翠笋虾饺皇普通，皮较厚。
蟹籽烧卖皇有少少冬菇粒，肉质几弹牙。
香茜牛肉肠都可以，馅少咗啲。
金纱米网肠，里面好脆，好新鲜，料亦足。
鲜竹牛肉球，唔会太淋，碱水味唔重，几好。
咸水角微热，仲系脆嘅。
流沙煎堆仔，新鲜热辣辣，流沙效果亦唔错。
养生棉花鸡，加埋红枣系颜色系好睇啲，养唔养生我唔知，不过第一次食有骨嘅棉花鸡。
黑金流沙包，上面嘅金粉都好足吓，包嘅味道同普通包一样，流沙效果亦一样唔错。
日式烧汁三文鱼炒饭，原本系点嘅干炒牛河卖晒，呢个亦唔错，唔太油，饭亦粒粒分明，三文鱼好多，啖啖都有，而且鱼肉唔鞋，分量满意。
张贴
