ME.N.U (已結業)

6月12日, 又系放假日~ 同呀菲黎到九龙湾行街睇戏, 先黎淘大商场揾食, 里面有条小街好多餐厅, 有各种不同类型嘅食肆. 行到黎ME.N.U, 原来餐牌嘅英文都可以拆做咁解, 佩服佩服~ 我地仲俾佢个2点后第二客下午茶餐特价$9吸引住, d野食都啱我地胃口, 一于食佢啦~!::: 肉酱意粉配酥皮蘑菇忌廉汤 + 冻奶茶 ::: $38肉酱意粉一d都唔马虎~! 下午茶黎讲份量如同午餐, 焗出黎嘅肉酱仲好香, 少少㶶咁先有焗嘅味道嘛~ 食落唔算多油, 意粉都几爽口, 总括系中上级茶餐厅肉酱意粉~酥皮汤都几好, 略为少少咸, 不过好香蘑菇味… 加埋个冻奶茶, 普通咁啦, 不过$38, 原本呢个价钱都已经好平~::: 小食拼盘 + 冻柠茶 ::: $9更平嘅而家出场! 以$9换购第二客下午茶餐! 我地叫咗个小食拼盘, 因为我地都认为以$9食佢系最抵~ 食物包括3条春卷, 3只鸡翼加一堆猪肉肠, 其实都系一d普通野, 不过$9又真系冇地方可弹~ 鸡翼系最好𠮶样, 个汁好好味~ 春卷都唔错, 可能系因为我钟意食春卷啦~ 不过如果系$37原价就不太值了…其实本身佢系似靓装嘅茶餐厅, 自己买飞后会有人