瀛燒居酒屋

营业中

休息中

今晚黎左呢间有荃湾隐世居酒屋之称的地方食饭。上刺身盛合 $228有三文鱼，油甘鱼，赤身，赤虾各两只，帆立贝一只，个油甘鱼真系好肥美，赤虾又鲜甜弹牙。酒盗冷豆腐 $48冻冰冰的豆腐配上咸咸的配料，夏天食好爽。蟹肉蟹糕米纸卷 $68一入口先系爽口清甜的青瓜丝，再黎个口感会系好浓郁的蟹肉蟹糕味，再用带点烟韧的米纸包住，几fresh，几特别。清酒煮大蚬 $128职员会帮手系个炉上烹制，细心提醒当蚬开口就食得，一入口好香清酒味，蚬肉大大粒又鲜甜，最重要系冇沙。特色烧饭团 $58有两大个，表面烧到好香脆，有点微焦，饭粒粒分明有咬口，中间仲爽左啲芝麻粒同紫菜碎。叫左五款串炸，全部都唔会食到成口油，炸得几好。广岛蚝 $28炸到个生熟程度刚好，仲保留蚝入面的汁。年糕鱼饼 $29口感好烟韧白板鱼蛋 $18好弹牙沙锥鱼 $18炸完都仲keep 到嫩滑鹌鹑蛋 $22竟然炸到入面好似流心的感觉，呢个有惊喜。提子Highball $58好适合女仔饮，甜甜地，好易入口。白桃特饮 $32白桃汁加左梳打水，夏天饮好爽，好正。