天鳥居酒屋

营业中

休息中

疫情下冇得去日本嘅我就黎左呢间居酒屋主题嘅日本餐厅止下思乡愁。我食18:30，早少少避开人流，餐厅好多卡位好阔落坐得舒服。一入坐店员会提供QR code，可以scan code落order，真系又快又方便！⭐️海赤虾三色丼三色丼材料丰富有海赤虾、三文鱼鱼腩、蟹膏。海赤虾共有三只，每只都有手板咁长，肉质好弹牙同好鲜甜，虾头仲有虾膏添！三文鱼腩有四件，每件都系厚切，鱼油丰富食落好肥美。蟹膏唔系d罐头嘅cheap野，食落一d都唔腥，𩠌饭一流！成个饭份量都好足，91蚊真系几抵食下！⭐️盐烧厚切牛舌心我真系一个牛舌狂，食亲日本野都要叫碟牛舌食。嘅个牛舌心真系好厚肉，味道腌得岩岩好唔会太咸，而且佢烧到d油份逼晒出黎，食落油香十足，咬落啖啖肉d肉汁爆晒出黎！⭐️天妇罗三文鱼反卷天妇罗系即炸野，个反卷上到黎仲好脆。天妇罗嘅crunchy口感中和左三文鱼嘅肥腻，再加埋佢上面酸酸甜甜嘅千岛汁，真系一件接一件甘食。