影片
更多
2024-06-01
278 浏览
餐厅环境又布置得好靓，好有日本居酒屋嘅感觉！我哋大概七点到，人数唔算多，望落都好宽敞，气氛同感觉都好舒服 ☺️ 虽然系用QR code落单，店员都好友善，会讲吓点样落单，有咩优惠，仲有，留意到我上网好慢🤣 仲提醒我餐厅有Wi-Fi可以用👍🏻💯 同埋都想赞个落单系统，好方便，又会keep住报点咗单嘅食物价钱，啱晒睇价钱做人嘅me🤟🏻麒麟啤 （买一送一！） $48 咁啱我哋去嘅时候系星期一至三，有四款啤酒系买一送一！其中麒麟啤就系其中一款，见到买一送一真系抗拒唔到，点都啤一啤啦🤩😆 麒麟臂我哋自己都有饮开，唔会太苦易入口，串烧就系要配啤酒😎 如果冇呢个优惠，我都会想试佢有一个本搾调酒 - 柳橙，好似几特别👍🏻豚肉芦笋卷（1串） $38呢个豚肉超级出色，见唔见到佢啲芦笋，多到好似好多发子弹巢咁样🤣🤣 豚肉烧到岩岩好又香，有一定厚度🫰牛五花卷（1串） $38呢个都系份量劲大份，肉又好香同juicy🫰一啖呕晒会冇乜仪态 (即系我🤣🤣)，但好味道🙈汁烧白鳝 $58白鳝肉质几滑，烧汁唔会抢咗鳝既味道，调味刚刚好，啖啖肉嘅感觉好正🤩盐烧鲭鱼 $48好大条，热辣辣，味道正常发挥，鱼肉几嫩唔会太粗太嚡，鱼
麒麟啤 （买一送一！） $48
1 浏览
0 赞好
0 留言
咁啱我哋去嘅时候系星期一至三，有四款啤酒系买一送一！其中麒麟啤就系其中一款，见到买一送一真系抗拒唔到，点都啤一啤啦🤩😆 麒麟臂我哋自己都有饮开，唔会太苦易入口，串烧就系要配啤酒😎 如果冇呢个优惠，我都会想试佢有一个本搾调酒 - 柳橙，好似几特别👍🏻
豚肉芦笋卷（1串） $38
呢个豚肉超级出色，见唔见到佢啲芦笋，多到好似好多发子弹巢咁样🤣🤣 豚肉烧到岩岩好又香，有一定厚度🫰
牛五花卷（1串） $38
呢个都系份量劲大份，肉又好香同juicy🫰一啖呕晒会冇乜仪态 (即系我🤣🤣)，但好味道🙈
汁烧白鳝 $58
白鳝肉质几滑，烧汁唔会抢咗鳝既味道，调味刚刚好，啖啖肉嘅感觉好正🤩
盐烧鲭鱼 $48
好大条，热辣辣，味道正常发挥，鱼肉几嫩唔会太粗太嚡，鱼边就好脆，记得要趁热食😆
芝士年糕（2粒） $38
我觉得个size啱啱好，烟烟韧韧，食上嚟唔会太漏，饱腹感又啱啱好
香蒜焗蚝（2只） $52
两只蚝size差唔多肥美，唔腥，个味都系好出加埋超多香蒜，啱浓味嘅人食🤤
蒜香日本椰菜 $48
椰菜都系好大份，好爽，味道同香蒜焗蚝差唔多，因为都系有好多烧得好香嘅蒜蓉，如果叫咗香蒜焗蚝，会想试吓其他款嘅炒菜😆
唐扬鸡软骨 $42
鸡软骨用唐扬手法整几特别，睇个样以为佢好㶶，但系食落完全冇㶶味又好香，仲比以往我食过嘅更加脆！😆😆Size唔算大粒，但系可以keep住食，一粒唔使嚼咁耐👍🏻🤩
日式原条鳗鱼饭 $88
鳗鱼又系劲大条，鳗鱼嘅尾巴烧到好脆😍有咬口，中间嘅肉都好滑，冇点样食到刺。饭偏硬身，份量都好多，差啲都食唔晒成个鳗鱼饭🙈
香蕉棉花糖 $32
棉花糖烧到内软外脆😍 虽然棉花糖好甜，加埋唔算好甜嘅香蕉，食落又接受到佢嘅甜，惊唔饱可以叫呢个甜品😆😆 店员都好识做，会观察我哋差唔多食完就叫师傅开始整，当我哋食完主食就啱啱好可以上得👍🏻👍🏻
结论
🫰环境舒服，上菜速度快
🫰抵食
🫰高质，会再encore
⚡️2人枱差啲唔够摆 (我哋食得比较慢😂🙈)
好味度：4.5/5
回头度：4.5/5
🎡餐厅资料
餐厅名称：深宵食堂
餐厅地址：旺角弥敦道575号Ladder Dundas 3楼
营业时间：星期一至日 18:00-2:00
张贴
