小火山 (已結業)

宜家天气好冻，收工只想食热笠笠嘅火锅，咁encore小火山啦。哩间餐厅晚市依然好full，唔想排队，记得预先定位。虾片，一落座，会即刻送上一篮虾片，可以边食住边叫嘢。虾片香脆，食到停唔落口。冻泰式奶茶，泰式香味好重，茶底清香，好饮。冻泰式双柠红茶，柠檬加青柠搭配，比普通嘅柠茶多咗一丝香味，饮落好清爽。泰式芭拉鱼露拌木瓜沙律，沙律好大一份，有虾仁，木瓜丝同四季豆等，沙律酱加咗芭拉鱼露，更加酸辣惹味。小火山x曼谷柏拉差烧烤套餐，套餐好丰富，有柏拉差腌泰国无激素猪肉，手切鲜猪润，柏拉差腌牛柳同原只鲜鱿鱼，汤底拣咗小火山牛骨船汤同香茅椰汁鸡汤。香茅椰汁汤底，饮落微酸，浓浓椰汁味，唔错。牛柳同猪肉预先腌制过，无论烤或者火锅，肉质都好嫩滑。猪润一D腥味都冇，处理得好干净。全部食完真系好饱，食得好满足TIM！