The Pantry Cafe

营业中

休息中

系葵芳行街，见到原来The Pantry系新都会开咗分店，之前喺旺角𠮶间食过觉得好好食，就决定喺呢度食晚餐。All Day Breakfast因为睇中咗佢有两件厚pancake，加上本身都好钟意食All Day Breakfast，所以就嗌咗嚟试。佢都好丰富，除咗沙律菜同车厘茄之外，仲有炒滑蛋、英式香肠、烟肉同炒蘑菇，样样都好食。厚pancake配咗蜜糖，好fluffy，超满足。Surf and Turf牛柳要咗五成熟，食落好香牛味，唔会太肥，但系又好腍，蘑菇汁都好出色，同个牛好夹。龙虾肉size正常，食落好香蒜味，啲肉质都弹牙，好有惊喜。另外仲配咗炸薯条，热辣辣脆卜卜，个人觉得好抵食。Crunchy Panko Prawns虾嘅份量都几多，啱啱炸起，所以又热又脆，虾肉都爽口，同佢配嘅酱汁好夹。餐厅嘅座位好阔落，装修同环境都舒服，希望下次试埋其他菜式啦。