月．火鳳燒鳥 (已結業)

串烧Omakase 系香港第一次食，你可以根据自己个Budget叫厨师安排，楼上仲有榻榻米，好有日本风格，如果人多仲可以包场。餐厅嘅服务好好，每上一碟菜都会介绍下特色。厨师系即整，食完一碟先上第二碟，唔会赶急。前菜冻豆腐，之后系刺身，到两呢度啲食物全部都好新鲜，最钟意系炸物，吉列广岛蚝同吉列带子，皮脆得黎又唔厚炸粉。广岛蚝味道浓郁，点埋旁边师傅自家制嘅酱汁一流，带子冇炸得过熟，唔使点酱已经够味，啱啱好😋仲有就系串烧，呢度全部都系炭炉即烧，秋葵加左鱿鱼丝系面好创新，一口茄子好似入口即溶咁，烧五花腩肉好肥美，烧鲷鱼配埋个酱汁好夹。