金雞去骨海南雞專門店

营业中

休息中

入西贡staycation, 梗系search下有咩好味先啦。其中拣咗呢一间，我哋真系去揾呢一间嚟食。间餐厅一啲都唔起眼，经过左都可能会见唔到…… 好彩老公眼利，捉住我话系咪呢一间？其实原来里面好细嘅咋，好彩我哋平日嚟，可以坐低慢慢食。我哋三个人嗌咗二人餐。个海南鸡真系好滑！好好味！然后我哋嗌咗个煎肉饼，我个仔食到舔舔脷！个南瓜汤都超级浓郁好味道！点算呀！咁好味！下次如果唔系平日嚟，咁咪好难食到？我哋一路食嘅时候，其实不停不停不停都有好多人嗌外卖。所以我估平日啲街坊都系嗌外卖嚟食。如果连街坊都不停不停不停嗌外卖，咁你就知有几好味。