薈潮軒

营业中

休息中

今日同朋友黎到呢间潮州菜，d食物唔错，款式都几多，我地叫咗几款试吓。鹅片拼鹅肠个卤水味好香，但又唔会好咸，鹅片d肉好嫩滑，鹅肠都好脆口。炸普宁豆腐外皮炸到金黄色，脆卜卜，唔算太油腻，入面豆腐非常嫩滑，唔错汕头煎蚝烙蚝仔份量都几多，都好新鲜，好鲜甜，蚝仔都几大粒，而蚝烙煎到非常脆口，食落仲饼底仲有烟烟韧韧嘅口感，唔会有好好多油喺碟底，好味。碧绿川椒鸡呢个菜式非常惹味，鸡肉都好嫩滑，唔算太辣，送饭一流。糖醋煎面个面煎得好脆，而入面d面仲好柔软，点埋d糖醋，酸酸甜甜，食落唔太腻。清心丸绿豆爽食完饭，店员送嘅糖水，清心丸非常烟韧，糖水唔太甜，而绿豆煮得非常淋，好味。