蟹家鉄板燒 (已結業)

女朋友生日, 咁佢就好钟意食蟹嘅, 本身都谂住去食自助餐, 但系佢又唔食生蚝又唔系食好多嘢, 咁就不如食得专d， 况且自助餐啲蟹都唔系新鲜， 咁就食餐好啲啦， 经朋友介绍得知呢间餐厅，于是就试下。去到好彩有张海景枱，咁坐低左我地就叫左个毛蟹二人餐，侍应攞左只生蟹俾我地望下，望完之后就开始啦。一开始是刺身，有三文鱼及蟹脚，餐厅都好细心，去晒d蟹壳，之后食落去都好鲜甜，新鲜嘅味道，雪藏完全系食唔到呀！之后就系薯蓉炸物，里面加左d蟹肉，但系本身自己就麻麻地炸野，所以就无咩感觉。之后就系主菜啦，蟹盖同个蟹身，今次就唔系刺身，已经烚熟左啦，蟹身d肉都系一样咁鲜甜，啖啖肉，而个蟹盖就不得了啦，蟹膏非常鲜甜，直头系个口留香。之后和牛到啦，好多牙菜仔，而d和牛都几鲜甜，里面重有d蒜片系度，几香，入口都溶。之后就系火锅啦，有d蟹钳同蟹脚，另外有两只新鲜蚝， 另外仲有好多菜 有冬菇， 食落去都几鲜甜， 心谂如果有个拉面家落去就好了。d菜都有好多，都有食剩。最后就系最后蟹肉煲仔饭啦，里面有好多蟹肉，而煲仔饭都煲得好香，份量就刚刚好，食完就两个都饱啦。总结黎讲都几好味，份量都唔细，会再黎。