打邊爐海鮮火鍋燒烤店 (已結業)

今日天气凉凉的约左朋友去土瓜湾打边炉，之前都听人讲过这间的野唔错。店面唔大,有七八张台，墙上贴满海报，见到就流口水。这间叫野食好特别，俾支marker在张大大张落单纸上画，得意又环保。叫左个花甲蟹锅两只大大只肉蟹，即㓥即煮，成斤花甲加上中国芹菜、芫茜等配料，见到都开心。蟹肉十分鲜甜，肉一疏疏，一睇就知只蟹好新鲜好肥。花甲好肥冇沙的肉鲜甜爽口，好好味。由于好多材料汤十分之清甜鲜味。食完个蟹锅叫左的牛肉、四宝丸、响铃、花胶筒、鲜淮山、炸鱼皮炸鱼皮好松脆，鱼皮好薄。安格斯肥牛，牛肉味唔太浓，牛脂味较重。本地牛颈脊，比较瘦牛肉味较重。花胶筒，细细只打边炉就最好，花胶一的都唔腥，虽然细细只食落都有咬口。鲜淮山，毎次打边炉一定会叫，但好怕的淮山食落粉粉的，这个就好食，爽口加上吸收了的汤底好食。四宝丸是手打，食落弹牙有咬口。其实个汤底十分足料，所以叫在少少野都食得好饱，下次一定约多的朋友去，可以叫多的野食。